БИШКЕК, 11-июн. — Sputnik. Балдар акыны Асек Казиев кайтыш болуп, 10-июнда жерге берилди. Бул туурасында Жазуучулар союзунун төрагасы Акбар Рыскулов Sputnik маалымат агенттигине кабарлады.
Жазуучу 9-июнда оорудан көз жумган.
"Казиев ооруп жүргөн. 9-июнда 67 жашында дүйнө салып, эртеси 10-июнда жерге берилди. Ал абдан таланттуу инсан эле. Китептеринде ак пейилдик менен акылмандык сезилип турчу", — деди Рыскулов.
Казиев Кыргызстан жазуучулар союзунун мүчөсү эле. Өмүрүндө балдар үчүн 30га чукул китеп жазган.