БИШКЕК, 10-июн. – Sputnik. АКШнын президенти Дональд Трамп Сингапурдагы “Шангри-Ла” мейманканасына келип жайгашты. Ал Түндүк Кореянын лидери Ким Чен Ын менен жолугушууга камынууда. Бул тууралуу РИА Новости агенттиги жазып чыкты.
Буга чейин Трамптын учагы Сингапурдагы Пайя Лебар аттуу аскер базасына конгону айтылган. “Шангри-Ла” мейманканасында коопсуздук чаралары көрүлгөн: өткөрмө пункттар менен тосмолор коюлуп, күзөтчүлөр кайтарууда. Президенттин келишине ылайык полиция тийиштүү кварталдарды маал-маалы менен жаап жатат.
АКШ менен Түндүк Корея лидерлеринин тарыхтагы биринчи жолку саммити 12-июнга пландалган. Жолугушуу Сентос аралындагы Capella аралында жайгашкан мейманканада өтөт. Кандайдыр бир документтерге кол кою күтүлгөн жок.
Ким Чен Ын дагы жекшемб күнү Сингапурга учуп келип, өлкөнүн ТИМ башчысы жана премьер-министри менен жолугушууга жетишти.