БИШКЕК, 5-июн. — Sputnik. Шаршемби күнү республиканын тоо этектерине жана тоолуу райондорунда жаан жаап, күн күркүрөйт. Бул тууралуу Кыргызгидромет билдирди.
Маалыматка ылайык, батыштан соккон шамалдын ылдамдыгы секундасына 4-9 метрге жетет.
Чүй өрөөнүндө абанын температурасы 26…31 градуска жетсе, Таласта 24…29 градус ысык болот. Ош, Жалал-Абад жана Баткен облустарында 27…32 градус нөлдөн жогору болору айтылды. Ысык-Көлдө 20…25, Нарында 19…24 градус жылуу болмокчу.
Бишкекте күн ачык болуп, күндүн табы 29…31 градуска чейин жогорулайт. Ал эми Ош шаарында 30…32 градус ысык болору божомолдонду.