БИШКЕК, 5-июн. — Sputnik. Кытайдын CCTV телеканалы Дүйнөлүк көчмөндөрдүн үчүнчү оюндарын чагылдыра турганын КР Маданият, маалымат жана туризм министрлигинен билдиришти.
Министрдин орун басары Айнура Темирбекова CCTV телеканалынын директору Цзян Хэпин менен сүйлөшкөн. Көчмөндөр оюндарын чагылдыруу чечими ШКУнун Пекинде көткөн биринчи медиа-саммитинин жүрүшүндө кабыл алынган.
Телеканалдын директору дүйнөнүн 140 жеринде кабарчылары бар экенин айтып, беш тилде жаңылыктарды жарыялай турганын билдирген. Ошондой эле каналдын социалдык тармактардагы баракчаларына 63 миллиондон ашык киши жазылганын кошумчалады.
CCTV телеканалы Кыргызстанга атайын тартуучу топту жибергенден тышкары промо-роликтерди CCTV-русский телеканалынын эфиринен көрсөтүп жана социалдык тармактагы баракчаларына жайгаштыра турган болду.
Дүйнөлүк көчмөндөр оюндары быйыл 2-8-сентябрда Ысык-Көлдө өтөт.