БИШКЕК, 5-июн. — Sputnik. Борбор калаанын Эркиндик бульварынын чыгыш бөлүгү убактылуу жабылат. Бул тууралуу мэриянын маалымат кызматы кабарлады.
Капиталдык курулуш башкармалыгынан билдиргендей 5-июндан баштап реконструкция иштерине байланыштуу бульвардын чыгыш бөлүгүндө жол кыймылы токтотулат.
"Чүй проспектисинен Түгөлбай-Ата (Линейная) көчөсүнө чейин жолдун асфальты алмаштырылып, жаңы бордюрлар орнотулат", — деп жазылат билдирүүдө.
Маалым болгондой реконструкция иштерин 5-августка чейин жасап бүтүү пландалууда.