БИШКЕК, 4-июн. — Sputnik. Ноокен районуна караштуу Кочкор-Ата шаарында 51 жаштагы аялдын үйүн тинтүү учурунда 490 грамм нашаа табылды. Бул тууралуу Жалал-Абад облустук ИИБден маалымдашты.
490 грамм гашиша которую нашли у 51-летней женщины
© Фото / пресс-служба УВД Джалал-Абадской области
"Криминалдык милиция мыйзамсыз негизде сакталган баңгизатын аныктады. Шектүү катары 51 жаштагы аял кармалды. Ал буга чейин үч ирет кылмыш жоопкерчилигине тартылган", — деп айтылат маалыматта.
Аталган факты боюнча Кылмыш жаза кодексинин 247-беренесинин 3-бөлүгү боюнча (баңгизатын мыйзамсыз сактоо) кылмыш иши козголду.
Учурда тергөө амалдары жүрүп жатат.