БИШКЕК, 4-июн. — Sputnik. Бүтүрүүчүлөр мектепти аяктап жаткандыктан 16 жаштагы жарандардан паспорт алуу боюнча арыздар көп түшүп жатат. Бул тууралуу Мамлекеттик каттоо кызматы билдирди.
Жыл башынан бери 16 жашка чыккан 32 002 жаранга ID-карт берилген.
Анын ичинен эң көп паспортту Ош (6713) менен Жалал-Абад (6298) облусунун тургундары алса, эң аз паспорт Талас (1420) менен Нарын (1928) облусунун тургундарына туура келген.
Жалпы Чүй облусунда 4884 кишиге паспорт берилсе, Бишкекте 3296 киши алган. Бул көрсөткүч Ысык-Көлдө 2719 кишини түзөт.