Интернетке Өзбекстандын экс-президенти Ислам Каримов менен азыркы өлкө башчысы Шавкат Мирзиёевдин Ташкент шаарынын архитектуралык планын талкуулап жаткандагы видеосу жарыяланды. Бул тууралуу Sputnik Өзбекстан жазып чыкты.
Видео 2016-жылы Мирзиёев премьер-министр болуп турган учурунда тартылган. Анда көрүнүп тургандай, саясатчылар борбор калаанын аймагындагы жаңы курулуштарды талкуулап жатышат.
Эске салсак, Каримов Өзбекстанды эгемендүүлүк алгандан бери 25 жыл бою башкарган. 2016-жылы 2-сентябрда 78 жашында жүрөгү кармап каза болгон.
Ал эми 2016-жылдын 4-декабрында коңшу өлкөдө президенттик шайлоо өтүп, анда өкмөт башчынын кызматын аркалап жүргөн Шавкат Мирзиёев жеңишке жеткен.