Бишкектин Абдрахманов менен Москва көчөлөрүнүн кесилишинде жүргүнчү ташыган үч микроавтобус жол чырак кызыл жанып турганына карабай өтүп кеткен.
Видеокаттагычка түшүп калган тасманы Sputnik Кыргызстан агенттигинин WhatsApp-каналы аркылуу күбө жиберген.
Анда Абдрахманов көчөсү менен түндүктү көздөй бараткан үч маршруттук такси удаасы менен тыюу салынган белгиден өтүп баратканын көрүүгө болот. Алардын оң жагындагы Москва көчөсү жабык турат.
Жол кыймылы коопсуздугун камсыздоо башкы башкармалыгынын маалымат кызматы эреже бузган айдоочуларга карата чара көрүлөрүн айтты.