БИШКЕК, 31-май — Sputnik. АКШнын президенти Дональд Трамп реалити-шоунун жылдызы Ким Кардашьян менен жолукканын РИА Новости жазып чыкты.
Американын лидери Кардашьян менен түшкөн сүрөтүн Twitter баракчасына да жүктөгөн.
"Бүгүн Ким Кардашьян менен абдан сонун жолугушуу болду. Абак жайларындагы реформа жана чыгарылган өкүмдөр боюнча сүйлөштүк", — деп Трамп Twitter баракчасына жазган.
Буга чейин баңгизат ташуу боюнча кармалып, өмүрүнүн акырына чейин эркинен ажыратылган 62 жаштагы Элис-Мари Женсонго ырайым кылуу маселесин талкуулоо боюнча Кардашьян Трамп менен жолуга турганы айтылган болчу.