Бүгүнкү күндө чек ара кызматкери болом деген жарандар арбын. Бул тууралуу Куватбек Жээнбаев Sputnik Кыргызстан радиосунун "Ачык кеп" программасында маек куруп жатып билдирди.
Анын айтымында, чек ара кызматына жарандарды тартуу үчүн башка мамлекеттер менен чектешкен аймактарда атайын окутуу иштери каралган.
"Чек ара кызматкери болууну каалаган жаштар бүгүнкү күндө арбын. Бирок баарын эле жумушка алууга мүмкүнчүлүк болбой келет. Ден соолугу чын, психологиялык жактан туруктуу жана албетте Улуттук коопсуздук комитетинин талаптарына жооп берген жарандар гана чек арачы болуп иштей алат", — деди Жээнбаев.
Ал мамлекеттин чек арасын коргоого кызматкерлер да, каражат да жетиштүү экенин кошумчалады.