БИШКЕК, 24-май — Sputnik. Ош облусунун Кара-Кулжа районуна караштуу Жаңы-Талаа айылында болгон катуу шамалдын айынан беш жашар кызды талдын бутагы басып калган. Бул тууралуу ӨКМдин маалымат кызматынан билдиришти.
"Наристе ооруканага жеткирилген. Учурда абалы жакшы", — деп айтылат билдирүүдө.
Кечээ, шаршемби күнү, саат 19.50лөр чамасында болгон катуу шамал 15 турак үйдүн 72 даана, 13 сарайдын 221 даана шиферин учурган.
ӨКМдин Кара-Кулжа райондук бөлүмүнүн башчысы жана Жарандык коргонуу комиссиясы окуя болгон жерде иштеп жатканы айтылды.