БИШКЕК, 24-май — Sputnik. Facebook Канада, АКШ, Австралия жана Англиядагы колдонуучуларынан жылаңач сүрөттөрүн сурай баштады. Бул тууралуу ВВС жазып чыкты.
Билдирмеге караганда, Facebook баракчасынын атайын жаңы программасы колдонуучунун жылаңач сүрөтүн идентификациядан өткөрөт. Кийин кимдир бирөө фотошоптун жардамы менен ал адамдын интимдик сүрөтүн жарыялагысы келсе, Facebook жасалма экенин дароо аңдап баракчага чыгарбай коет.
Аталган система өзүнүн жылаңач сүрөттөрүнүн жайылып кетишинен чочулаган адамдар үчүн иштелип чыккан. Маалыматта көбүнчө жаш кыздар кара ниет адамдардын курмандыгы болуп келери белгиленген. Компания өкүлдөрү келечекте мындай практика Messenger менен Instagram сервистерине да жайыларын билдиришкен.
Анткен менен ВВС агенттигинин адистери буга чейин социалдык тармактын 50 миллиондон ашык колдонуучусунун жеке маалыматтарынын сыртка чыгып кетиши анонимдүүлүктүн сакталышынан күмөнсүп келишкен.