БИШКЕК, 22-май — Sputnik. Бишкектеги №91 мектеп-гимназиясынын директору менен мугалимдердин бири окуучулар үчүнчү кабаттын терезесинин сыртын коопсуздук эрежелерин сактабастан жууганы үчүн катуу сөгүш алды. Бул тууралуу билим берүү мекемесинин жетекчиси Азаткан Чекирова билдирди.
Бир жума мурда, 15-май күнү, күбө окуяны видеого тартып Sputnik Кыргызстан агенттигине жиберген болчу. Мектеп директору бул боюнча чара көрүлөрүн билдирген.
Рискуя сорваться, дети в Бишкеке мыли окна на третьем этаже школы. Видео
© © видео очевидца, отправленное по WhatsApp-каналу
"Мугалимге катуу сөгүш жарыяланды. Билим берүү башкармалыгы тарабынан мага дагы сөгүш берилди", — деди Чекирова.
Ал ошондой эле мектепте атайын жыйын өтүп, мугалимдерге балдардын коопсуздугуна өзгөчө көңүл буруу керектиги боюнча түшүндүрүү иштери жүргүзүлгөнүн кошумчалады.