БИШКЕК, 18-май — Sputnik. Флорида штатынын Сент-Питерсберг шаарынын 38 жаштагы тургуну чегип жаткан электрондук тамекисинин жарылып кетишинен каза болду. Бул туурасында The New York Times басылмасы жазып чыкты.
Мындай адам өмүрүн алган окуя АКШда биринчи жолу болуп жатканы белгиленет. Толлмаджа Д'Эли атуу жарандын сөөгүн 5-майда өрт өчүрүү кызматкерлери өз үйүнөн тапкан. Медициналык экспертиза анын өлүмүнө электрондук тамеки себеп болгон деген тыянак чыгарган.
Ал эми полиция электрондук тамеки чегилип жаткан учурда жарылып, андан соң үй өрттөнгөнүн ишенимдүү айтууда.
2009-2016-жылдар аралыгында АКШда бул тамекинин кесепетинен 195 адам жабыркаганы айтылат. Бирок киши өмүрүнө забын болгон окуя катталган эмес.