БИШКЕК, 17-май. — Sputnik. Кыргызстанда май айынын үчүнчү жекшембисинде белгиленчү Энелер күнүнө карата быйыл 1354 аялга "Баатыр эне" ордени, 454 аялга "Эне даңкы" медалы берилет. Бул тууралуу өлкө башчынын маалымат кызматы билдирди.
Тийиштүү эки Жарлыкка президент Сооронбай Жээнбеков кол койду.
Эскерте кетсек, "Баатыр эне" ордени жети же андан көп баланы толук кандуу тарбиялаган аялга берилсе, "Эне даңкы медалы" алты баланы чоңойткон аялга ыйгарылат.
Былтыр "Баатыр эне" ордени 1 618 энеге берилсе, "Эне даңкы" медалы менен алты баланы төрөп тарбиялаган 550дөн ашык аял сыйланган.