Эми ар окуу жылынын соңунда ЖОЖдордун ишмердүүлүгү упай менен бааланып рейтинги түзүлөт. Бул тууралуу Кудайберди Кожобеков Sputnik Кыргызстан радиосуна "Жогорку окуу жайлардагы реформа" темасынын алкагында маек куруп жатып билдирди.
Анын айтымында, учурда өлкөдө жалпысынан 63 жогорку окуу жай бар. Алардын 31и мамлекеттик, калганы жеке менчик болуп саналат.
"Биз 2018-окуу жылынан тартып, ар бир окуу жайдын багыттары боюнча рейтингин чыгарып турабыз. Мисалы экономика адистигин 20 окуу жай даярдап жаткан болсо, ошол адистик боюнча окуу жайлардын рейтинги чыгат. Бул абитуриентке ачык тандоо мүмкүнчүлүгүн түзөт. Ошону менен бирге бир нече жыл акыркы орунда калган факультеттер табигый жол менен жабылат", — деди Кожобеков.
Ал мындай жол менен окутуучулар да иргелээрин кошумчалады.