БИШКЕК, 12-май — Sputnik. Кыргызстанда 13-май күнү көпчүлүк аймактарда жамгыр жаап, күн күркүрөйт, бийик тоолуу райондорго кар түшүшү күтүлүүдө. Бул тууралуу Кыргызгидромет билдирди.
Маалыматка ылайык, батыштан соккон шамалдын ылдамдыгы секундасына 4-9, айрым жерде 17-22 метрге чейин жетет.
Чүй өрөөнүндө 19…24 градус жылуу болсо, Нарын облусунда 18…23 градус нөлдөн жогору болору айтылды. Ош, Жалал-Абад жана Баткен дубандарында күндүн табы 24…29 градуска чейин көтөрүлмөкчү. Ысык-Көл менен Нарында 17…22 градус жылуу болот.
Бишкек менен Ош шаарларында жамгыр жаайт. Абанын температурасы борбор калаада 22…24, ал эми Ош шаарында 27…29 градуска жогорулайт.