Бул тууралуу видео YouTube каналына жайгаштырылган.
Мейманканага кирериңиз менен саал жылмайган жигит сизди башын ийип тосуп алат. Өңү эмнеге керсары деп ойлобой эле коюңуз, себеби ал кадимки эле робот. Чачы, көздөрү, кирпиктери, колун алдына алып турушу кадимки эле тирүү кишинин өзү.
Henn na Hotel "Кызыктай" деп аталган мейманкана Япониянын түштүк-батышында жайгашкан. Бөлмөгө келгендер үнү менен эле буйрук берип, жарыкты өчүрүп, терезелердин пардаларын ачып, кайра жаба алат. Маалыматта роботтор бир топ ишти аткарганы менен кызматкерлер дагы деле эмгектенип жаткандыгы айтылган.
Отелдеги жаңы технологиялардан улам жетекчилик кеткен чыгымдарды Япониядагы башка мейманканаларга салыштырмалуу 2-3 эсе азайткан.