БИШКЕК, 11-май — Sputnik. Кыргызстанда "Музейдеги түн" акциясы өтөрүн Sputnik Кыргызстан агенттигине уюштуруучу Чолпон Тентиева кабарлады.
Иш-чара Бишкекте 18-май күнү өтүп, кечки саат 18:00дөн түнгө чейин уланат.
Көрүүчүлөргө мастер-класс жана ар түрдүү оюн-зооктор тартуулана турчу жайлардын даректери:
— Гапар Айтиев атындагы кыргыз улуттук көркөм сүрөт музейи;
— Касымалы Баялинов атындагы республикалык китепкана;
— Чыңгыз Айтматов атындагы орус драма театры;
— Михаил Фрунзенин үй-музейи;
— Ольга Мануйлова атындагы мемориалдык үй-музейи;
— Семен Чуйков атындагы мемориалдык үй-музейи;
— Сүймөнкул Чокморовдун кол өнөрчүлүк музейи;
— Ачык асман алдындагы "Эмен багы" сүрөт музейи;
— КР сүрөтчүлөрүнүн "Эмен багы" паркындагы көрсөтмө залы;
— Asanbay борбору;
— Студия 705;
— "Loft" цехи;
— "Тунгуч" театры;
— Чыңгыз Айтматовдун үй-музейи;
— Чыңгыз Айтматов атындагы тасма үйү;
"Музейдеги түн" иш-чарасы өлкө ймактарында 20-май күнү 18:00дөн түнгө чейин созулат. Даректери ушу тапта такталууда.
Аталган акция республикада ушуну менен бешинчи жолу өткөрүлүп жатат. Салттык программа быйыл жаңыланып, кызыктуу оюн-зооктор болору күтүлүүдө.