БИШКЕК, 9-май — Sputnik. Түштүк Уэльс университетинин (Австралия) окумуштуулары аял киши үчүн социалдык тармактын кандай зыяны бар экенин изилдеп чыкканын Tech Times журналы жазды.
Маалыматка караганда, кыз-келиндердин психологиясына башка чырайлуу кыздардын сүрөттөрү терс таасир этет.
"Социалдык тармактарга баш-оту менен кирип алган аялдар өз дене боюн жактырбай, стресске кабылышы мүмкүн. Анткени аялдар арык, келбеттүү, чач жасалгасы жакшынакай кыз-келиндердин сүрөттөрүн карап, дароо өзүнө болгон баасын түшүрүп жиберет", — деп жазылат маалыматта.
Буга чейин британиялык окумуштуулар чырайлуу түшкөн сүрөттөрүн социалдык тармактарга көп жүктөгөн адамдар жөнүндө иликтеп көрүп, алар көбүнесе депрессияга кабылган, жалгыз бой адамдар экенин аныкташкан.