БИШКЕК, 8-май — Sputnik. Былтыр Украинада жети жашар бала гривен миллионери болгонун өлкөнүн фискалдык кызмат башчысынын милдетин аткаруучу Мирослав Продан билдиргенин РИА Новости агенттиги жазды.
Ал эми кирешеси бир миллион гривенден жогору болгон эң улуу жаран 99 жашта. 2017-жылы Украинада гривен миллионерлери болгондордун саны 16 пайызга жогорулап, 559 кишини түзгөн.
"2017-жылы кирешеси тууралуу декларация тапшыргандардын 4063ү бир миллион гривенден (37 миң доллардай) ашык каражат тапканын көрсөткөн", — деп айтылат маалыматта.
Гривен миллионерлеринин басымдуу бөлүгү 45 жаштан жогорку курактагылар.