Волейболчулардын тапкан каражаты өзүнө жетпейт. Бул тууралуу Талгат Чалмашбеков Sputnik Кыргызстан радиосунун таңкы эфиринде сүйлөп жатып билдирди.
Ал волейболсуз жашай албай турганын айтып өттү.
"Кыргызстандагы волейбол профессионалдуу деңгээлде эмес. Анткени өзүбүздүн убактыбызды толугу менен аталган спортко арнай албайбыз. Ар бир оюнчунун өзүнүн жумушу бар. Клубдан стипендия берилет, бирок жашоого жетпейт. Коммерциялык багыттагы оюндардан гана каражат тапса болот", — деди ал.
Спортчу Кыргызстандагы волейбол дүйнөсүндө атаандаштык күч алганын да кошумчалады.