БИШКЕК, 7-май — Sputnik. WhatsApp мессенджеринин колдонуучулары телефондун иштөөсүн кыйындата турган спам-билдирүү тараганын жар салышты. Бул тууралуу MensXp порталы жазды.
Ага ылайык, колдонуучулар бир-бирине кара чекит белгиленген билдирүүлөрдү жөнөтүшүүдө. Кара чекитти басканда WhatsApp тиркемеси бир саамга чейин иштебей калат.
IT тармагындагы адис Михаил Дудин мындай нерсе телефондун бир нече секундага чейин иштебей калышын шарттай турганын Sputnik Кыргызстан агенттигинин кабарчысына билдирди.
"Билдирүүдө атайын символдор катылган. Аны басканда телефон кыска убакытка иштебей калат. Мындан жеке маалыматтар уурдалып же телефон бузулуп калбайт. Эң жакшысы ушундай билдирүүлөрдү дароо эле өчүрүп салган жакшы", — деди Дудин.
Буга чейин WhatsApp тиркемесинин жасалма версиясы пайда болгону тууралуу да маалыматтар тараган болчу.