БИШКЕК, 7 — май — Sputnik. Россиянын премьер-министрлигине талапкер Дмитрий Медведев вице-премьер-министр кызматына алып келем деп ниеттенген кишилерди атады. Бул туурасында РИА Новости жазды.
Дүйшөмбүдө, 2018-жылдын 7-майында Россиянын жаңы шайланган президенти Владимир Путиндин ант берүү аземи болду. Мыйзам боюнча, ал кызматка киришкенден кийин, буга чейин иштеп жаткан өкмөт отставкага кетиши керек.
Биринчи вице-премьерге РФтин Финансы министринин милдетин аткаруучу Антон Силуанов;
Вице-премьерликке социалдык, эмгек, пенсия менен камсыздоо жана саламаттыкты сактоо боюнча саясатты алып кетет деп Татьяна Голикова;
Айыл чарбасына жооп берүүчү вицеликке Алексея Гордеев;
Курулуш боюнча вице-премьерликке Виталий Мутко;
Транспорт, байланыш жана санарип экономикасы боюнча вицеликке Максим Акимов;
Өнөр жай жана энергетика боюнча вице-премьерликке Дмитрий Козак;
Спорт, маданият жана спорт жаатындагы вице-премьерликке Ольга Голодец;
Өкмөттүн аппарат жетекчиси кызматына Константин Чуйченко;
Коргонуу өнөр жай комплекси боюнча вице-премьерликке Юрий Борисов сунушталган.
Маалыматта Медведев азырынча министрлик кызматка дайындай турган талапкерлерди атай элек.
Медведев Мамдумадагы "Единая Россия" жана Россиянын либералдык-демократиялык партиясынын фракцияларынын депутаттары менен сүйлөшүүлөрдү жүргүзгөн.