БИШКЕК, 3-май. — Sputnik. Көчө жарыктарын модернизациялоо иштери уланып жатканын муниципалитеттин маалымат кызматынан билдиришти.
"Бишкекжарык" ишканасынын маалыматына караганда бүгүнкү күндө 2018-жылга белгиленген пландын алкагында 2097 диоддук лампалар орнотулду.
"Ишкана көчөдөгү чырактарды жаңылоо иштерин улантууда. Жакын арада бешинчи, алтынчы, Көк-Жар жана Аламүдүн-1 кичи райондоруна, Анжиян, Ташкент, Абдрахманов, Фатьянов, Рыскулов жана Бах көчөлөрүнө, ошондой эле Адыр туюк көчөсүнө 455 диоддук чырактар коюлат", — деп айтылат билдирүүдө.
Кошумчалай кетсек, Бишкек мэриясы калаанын көчөлөрүнө 2015-жылдан бери 13,5 миңдей заманбап лампаларды орноткон.