БИШКЕК, 2-май — Sputnik. ЖККУнун "Кант" авиабазасынын аскерлери Жеңиш майрамын утурлай Ленинград блокадасынын катышуучусу Зоя Замковаяга жардам беришти. Бул тууралуу авиабазанын маалымат кызматы билдирди.
Ага ылайык, учурда Замковая эч жакка чыга албайт, каралашаар тууганы да жок. Ага Гуля аттуу коңшу аял жардам берип келет.
Аскер кызматкерлери Замковаянын үйүнүн короосундагы таштандыларды, жакында болгон шамалдан улам үйдүн чатырына түшкөн бутактарды тазалап беришти. Ошондой эле анын короо-жайын оңдошкон.
Эми аскер кызматкерлери Зоя Замковаяга дайыма келип жардам берип турмай болушту.