БИШКЕК, 1-май — Sputnik. Сокулук районундагы Новопавловка айылындагы Чыңгыз Айтматов атындагы мектептин окуучулары жөө жүрүшкө чыкты. Бул тууралуу Чүй ОИИББдин жол кыймылы коопсуздугун камсыздоо башкармалыгынын маалымат кызматы билдирди.
Ага ылайык, иш чара 1-майдын (Эмгекчилердин тилектештик күнү) урматына карата уюштурулган.
Окуучулар "Тынчтык. Эмгек. Май" деген чакырык менен айдоочуларды жол коопсуздугун сактоого үндөштү.
200дөй киши беш чакырымды басып өттү.