БИШКЕК, 1-май. — Sputnik. Россиянын “Мешок” деп аталган интернет-аукционунда Кыргызстандан чыккан марка 150 миң рублга (2 400 доллар) сатылууда.
3 сом номиналындагы марка 1994-жылы чыккан.
Бирок түшүндүрмөсүндө 2015-жылы марканын үстүнө 30 сом жаңы номиналы басылганы, конверттин баасы ушул себептен кескин жогорулап кеткени жазылган.
“Марка жүгүртүүдөн алынды”, — деп жазылат маалыматта.
Кээде интернет-аукциондордо текейден арзан нерселер баштапкы баасынан он, айрым учурда жүз эселеп кымбат сатылып кетет.