Бразилиялык серфер Родриго Кокса 25 метрлик толкундан сүзүп дүйнөлүк рекордду жаңыртты. Бул тууралуу South China Morning Post басылмасы жазды.
2017-жылы ноябрда Кокса Португалияда 24,38 метр бийиктеги толкундан сүзүп өткөн. Быйыл апрель айынын аягында Дүйнөлүк серфинг лигасынын калыстары рекордду каттоого алышкан. Бразилиялык спортчу "Эң ири толкун" номинациясы боюнча жеңишти камсыздап, дүйнөлүк рекорд койгон.
Спортчу сыйлык тапшыруу учурунда кыялдар орундала турганын айтты.
Буга чейинки рекорд америкалык Гаррет Макнамарга таандык. Ал 2011-жылы 23 метрлик толкундан сүзүп өткөн болчу.