БИШКЕК, 26-апр. — Sputnik. Сокулук айылындагы "Сокулук" станциясынан тепловоз темир жолго чыга калган кишини коюп кетип, ал ошол жерден каза болгонун ИИМдин маалымат кызматы билдирди.
Ага ылайык, тепловоз күү менен кетип бараткандыктан кокусунан чыккан азиат тектүү 35-40 жаштардагы кишини тебелеп кетпөө үчүн шашылыш тормозду басканына карабай коюп кеткен.
Бою 170-175 сантиметр, чап жаак, мурут-сакалы бар, мурду кырдач. Үстүндө кара түстөгү күрмө, көгүш свитер, кара түстөгү спорттук шым жана кара байпак кийген.
Милиция маркумду тааныгандар же анын туугандарын билгендерди 0312 35-12-70, 0700 82-05-05, 0555 82-05-05 номерлери аркылуу кайрылууну суранат.
ИИМдин тараткан билдирүүсүндө темир жол дайыма адам өмүрү үчүн коркунучтуу жер экени эсертилип, жарандарды темир жолдон өтүп жатканда этият болууга чакырган.