БИШКЕК, 22-апр. — Sputnik. Арам ойлуу адамдар бирөөнүн iPhone телефонун алыстан туруп башкарып кое аларын "Известия" басылмасы Symantec изилдөө компаниясына шилтеме берип жазды.
Адистердин айтымында, iTunes Wi-Fi sync программасын синхронизациялоо жолу менен аппаратты компьютерге туташтырбай туруп эле ичиндеги маалыматтарды уурдап алууга болот. Мында хакерлер башка бирөөнүн телефонуна Wi-Fi аркылуу кире турган ачкычтарды таап алышат дагы ал жактан өзүнө керектүү нерселерди көчүрүп алышат.
Мындан улам бейтааныш же коомдук жайлардагы Wi-Fi аркылуу таратылган интернетке кошулуу кооптуу экени белгилүү болду.