БИШКЕК, 20-апр. — Sputnik. Борбор калаанын жол кыймылы коопсуздугун камсыздоо башка башкармалыгы бус айдоочусу каза болгон окуя тууралуу кененирээк маалымат берди.
Эске салсак, 20-апрелде болжол менен 10.40тарда 7-Апрель көчөсүнүн Горький жана Медеров көчөлөрүнүн ортосундагы бөлүгүндө бус тосмого кирип кетип, айдоочусу каза тапкан.
Билдирүүгө ылайык, айдоочу кырсык болгон жерде мүрт кеткен.
"Кичи автобустун ичинде толтура товар бар экен. Кандай товар экендиги азырынча белгисиз. Ал Горький көчөсү менен түштүк тарапты көздөй кетип бара жаткан. Белгисиз себептерден улам унаанын оң дөңгөлөгү бордюрга барып такалып, бус тосмодон ары чыгып кеткен", — деп жазылат маалыматта.
Учурда унаа атайын жайга токтотулуп, териштирүү иштери башталды.