БИШКЕК, 19-апр. — Sputnik. Ажы башчылыкка талапкерлерди каттоого алуу жараяны башталганын муфтияттын маалымат кызматынан билдиришти.
Аталган иштер 4-майга чейин облустардагы казыяттарга тиешелүү операторлор тарабынан жүргүзүлөт.
Талапкерлер биринчи тесттик сынактан 10-майда, андан ийгиликтүү өткөндөр 11-12-майда аңгемелешүүдөн өтмөкчү.
Ошондой эле алар араб тилин, зыярат кылуучу жайлардын диндеги ордун жакшы билиши шарт. Уюштуруучулук жөндөмү жогору болуп, жаш курагы 55 жаштан ашпоого тийиш. Мындан сырткары, маалымат технологияларын да өздөштүрө билүүсү зарыл.
Эскертке кетсек, былтыр ажы башчылыкка тандалган талапкерлер быйылкы тандоого катыша албайт.