БИШКЕК, 18-апр. — Sputnik. Бишкек — Ош унаа жолунда газ ташуучу унаанын цистернасы оодарылып кетти. Бул туурасында Өзгөчө кырдаалдар министрлигинин маалымат кызматы кабарлады.
На трассе Бишкек — Ош перевернулся газовоз
© Фото / пресс-служба МЧС
Жол кырсыгы бүгүн болжол менен саат 11.00дөр чамасында трассанын 121-чакырымында болгон.
"Газ ташып бара жаткан унаа күйүүчү май ташыган унаадан ашып өтүүгө аракет кылганда капталы менен урунган. Мунун кесепетинен анын цистернасы жолдун боюна оодарылып калган. Бактыга жараша газ сыртка чыккан эмес", — деп айтылат маалыматта.
Кулап калган цистернаны көтөрүүгө крандын күчү жетпегендиктен, жаратылыш газын башка унаага куюп алуу маалында өрт чыгып кетпеши үчүн ӨКМдин Жайыл райондук өрткө каршы куткаруу бөлүмү тартылды.