БИШКЕК, 16-апр. — Sputnik. Ош шаарынын Жапалак айылына Тянь-Шань карагайы, ак кайың жана кызыл карагайдын көчөттөрү отургузулуп, 1000ден ашуун көп жылдык роза гүлү тигилди. Бул тууралуу калаа мэриясы кабарлады.
Эскерте кетсек, буга чейин шаарды көрктөндүрүү жана тазалоо боюнча үч айлык жарыяланган. Жогорудагы иш-чара дал ушул үч айлыктын негизинде ишке ашты.
Бак отургузууга шаардын вице-мэри Асылбек Топчубаев, жергиликтүү тургундар катышты.