БИШКЕК, 13-апр. — Sputnik. Алдын ала маалыматтарга караганда 13-апрелде Ош базарын атайылап эле өрттөшкөн. Бул туурасында ӨКМдин орун басары Калыс Ахматов Sputnik Кыргызстан агенттигинин кабарчысына билдирди.
Ахматов күбөлөр өрт бир эле учурда бир нече жерден чыккандыгын көргөнүн кабарлады. Тилсиз жоо боюнча маалымат 03:50дө келип түшкөн.
Учурда окуя болгон аймакта ӨКМдин 14 унаасы иштеп жатат. Кырсыктан жабырлангандар болгон эмес.
Өрт чыккан "Ош" базарында азыр эмне болуп жаткандыгын Sputnik Кыргызстан маалымат агенттигинин тексттик түз алып берүүсүнөн окусаңыздар болот.