БИШКЕК, 12-апр. — Sputnik. Кыргызстандын улуттук курама командасы Эл аралык футбол рейтингинде (FIFA) заматта 40 баскычка жогорулап жаңыланган рейтингде абсолюттук рекорд жаратты.
Апрелдеги тизменин версиясы уюмдун расмий баракчасына бүгүн жарыяланды.
Курама команда март айында машыктыруучу Александр Крестининдин жетектөөсү менен Мьянма (22-март) жана Индияны (27-март) жеңип, биринчи жолу Азия чемпионатынын финалдык бөлүгүнө чыкты. Мындай көрсөткүч улуттук команданын 115-орундан 75-орунга көтөрүлүүсүнө шарт түзүп, айдын мыкты командасы аталды.
Азия континентиндеги футболчулары арасында Кыргызстандын командасы 7-орунду ээледи. Ал эми КМШ менен Балтика өлкөлөрүнүн ичинен Украина (30) менен Россиянын (66) командаларынан кийин 3-орунга чыкты.