БИШКЕК, 11-апр. — Sputnik. Премьер-министр Сапар Исаков Жалал-Абад облусуна караштуу Тогуз-Торо районунун акими Тилек Идрисовду иштен алды. Бул тууралуу өкмөттүн маалымат кызматынан билдиришти.
Белгилей кетсек, Тогуз-Торо районундагы "Макмал" алтын комбинатынын алдына митингге чыккан эл анын жанына курулган "Джи Эл Макмал Девелопинг" фабрикасынын курулуштарын өрттөп жиберген болчу.
Исаков КСДП фракциясына өкмөттүн 2017-жылы жасаган иши тууралуу отчет берип жатып, Жогорку Кеңештин депутаттарына мындай кырдаалга жол берген райадминистрациянын башчысы Идрисовду иштен аларын убадалаган.
Өкмөт башчынын маалымат кызматы премьер-министр Тилек Идрисовду иштен алуу боюнча буйрукка кол койгонун маалымдады.