Кадрда көрүнүп тургандай, Тoyota Camry үлгүсүндөгү унаа май коюучу жайга келип токтогондо, анын алды-артынан Mercedes-Benz жана "Жигули" тороп алат. Андан соң эки машинадан бир нече киши чыгып, ортодо калган унаанын айдоочусун көздөй бет алат. Ал эми Тoyota Camry унаасынын айдоочусу артка айдап "Жигулини" сүзүп, алдыга айдап Mercedes унаасын кагып, качып жөнөйт. Тигилер артынан кууп кетишет.
Мессенджерлерде жүргөн бул видеого карата жазылган комментарийлерге караганда, окуя Балыкчы шаарында болгон.
Ысык-Көл облустук милициясы видеону иликтеп жатканын билдирди.