БИШКЕК, 11-апр. — Sputnik. Аксы районуна караштуу Мукур айылында грэпплинг боюнча район биринчилиги өттү. Бул тууралуу Sputnik Кыргызстан агенттигине уюштуруучулар билдирди.
Маалыматка ылайык, турнир 10-апрелде өтүп, ага 100гө чукул спортчу катышкан.
Район биринчилиги Мукур айылындагы "Манас" спорт клубу жана эрежесиз эр уруш боюнча Кыргызстандын чемпиону, джиу-джитсу боюнча Азия чемпиону Ильияс уулу Кыялбек тарабынан уюштурулган.
Жеңүүчүлөргө медаль, дипломдор тапшырылып, мыкты мушкер түстүү сыналгы менен сыйланды.