9-апрель күнү болжол менен таңкы саат алтылар чамасында болгон кырсыктын видеосун Sputnik Кыргызстан агенттигинин WhatsApp-каналына күбө жиберди.
Анда көрүнүп тургандай, Mercedes-Benz сүзгөн аялдама талкаланып кеткен.
Жол кыймылы коопсуздугун камсыздоо башкы башкармалыгынын маалымат кызматынан аталган фактыны тастыкташты. Анын маалыматына караганда, 25 жаштагы айдоочу унаасын башкара албай калып, аялдаманы жана анда турган аялды сүзгөн. Жабырлануучу алган жаракатынан улам ошол жерден жан берип, аялдама талкаланып кеткен.
Материалдар Октябрь райондук тергөө бөлүмүнө берилип, иликтөө иштери башталды.