БИШКЕК, 8-апр. — Sputnik. Окурмандар Sputnik Кыргызстандын WhatsApp-каналына Некрасов-Лев Толстой көчөлөрүнүн кесилишинде сол жагында эшик, терезеси жок жеңил автоунаа кетип бараткандыгын тартып алып, сүрөт жана видеосун кошо салган.
Маалыматта бул окуя 6-апрелде болгондугу жана автоунаанын төбөсүндө "37" деп аталган такси компаниясынын белгиси орнотулгандыгы айтылган.
Аталган компаниядан бул видеону көргөндүктөрүн айтышты.
"Текшерип чыктык, бизде андай номерлүү автоунаа катталбаптыр", — дешти аталган компаниядан.
Ал эми Жол кыймылы коопсуздугун камсыздоо башкармалыгынын Бишкек шаардык бөлүмүнөн аталган унаанын айдоочусу изделип жаткандыгын билдиришти.
Sputnik Кыргызстандын кабарчысы Бишкек шаарында таксист болуп, элди бекер ташыганы боюнча колумнистика жазды.