БИШКЕК, 5-апр. — Sputnik. Мамлекеттик каттоо кызматы чип салынган жаңы айдоочулук күбөлүктүн үлгүсүн иштеп чыкпаганын мекеменин маалымат катчысы Мелис Эржигитов Sputnik Кыргызстан агенттигинин кабарчысына билдирди.
План 103 пункттан турат. Анын биринде Мамлекеттик каттоо кызматы менен ИИМге чип салынган жаңы айдоочулук күбөлүктүн үлгүсүн иштеп чыгуу милдеттендирилген. Чипте жол эрежелеринин бузулушу, жол кырсыктары жана айыптар боюнча маалымат болмок. Аны ишке ашыруунун акыркы мөөнөтү 2018-жылдын 30-марты деп белгиленген.
"Биз бул тууралуу биринчи жолу угуп жатабыз. Кабыл алынып жаткан экзамендердин көзөмөлүн жакшыртуу (айдоочулук күбөлүктү алуу боюнча гана – ред.) боюнча гана бир тапшырма берилген. Биз анын баарын аткардык: суроолорду 10дон 20га чейин көбөйтүп, жүздүн биометрикалык идентификациясын киргиздик", — деди Эржигитов.
Ал эми ИИМдин маалымат кызматы берилген тапшырма боюнча түшүндүрмө берүүдөн баш тартып, расмий түрдө сурам жөнөтүүнү өтүндү.