БИШКЕК, 4-апр. — Sputnik. Нарындын Кочкор районундагы Кара-Саз аймагына коюлган фотокапканга мадыл түшүп калды. Бул тууралуу NABU айлана-чөйрөнү коргоо уюму билдирди.
Мадыл — көбүнчө түн ичинде жүргөн жапайы мышык. Кызыл китепке киргизилген жандык Нарын жана Сары-Чат аймактарын байырлайт. Кара-Саздан биринчи жолу кезиккен.
Мадылдан тышкары сүрөткө карышкыр, түлкү, улар менен коен түшүп калган. Фотокапкан аталган аймакка 2017-жылдын аягында коюлган болчу.
Буга чейин Таласта да тоо текенин этин жеп жаткан ак илбирс түшүп калган.