БИШКЕК, 4-апр. — Sputnik. Улуттук коопсуздук мамлекеттик комитетинин 9-бөлүмүнүн жетекчиси Дамир Мусакеев кызматынан бошотулду. Тийиштүү буйрукка президент Сооронбай Жээнбеков кол койгонун өлкө башчынын маалымат кызматы билдирди.
Ага ылайык, Мусакеев берген арызына ылайык ээлеген кызматынан бошотулду.
Мусакеев УКМКнын 9-кызматына 2016-жылы 1-июнда дайындалган. Ага чейин экс-президент Алмазбек Атамбаевдин жеке жансакчысы болгон.
УКМКнын 9-кызматы президент, өкмөт башчы, Жогорку Кеңештин жана Жогорку Соттун төрагалары өңдүү мамлекет жетекчилердин, стратегиялык маанидеги объектилердин коопсуздугуна жооп берет.