БИШКЕК, 2-апр. — Sputnik. Чет элдик жарандарга Кыргызстандын аймагында иштөөгө мыйзамсыз уруксат берилгени боюнча кылмыш иши козголгонун Башкы прокуратура билдирди.
Текшерүү учурунда 2017-жылдын октябрь айынын башында эле чет элдик жеке ишкерлер үчүн квота аягына чыккан. Мындан улам ММК жетекчилиги тарабынан чет элдик ишкерлерден документтерди кабыл алуу токтотулган.
"Бирок 2017-жылдын 26-октябрында ММКнын бир бөлүмүнүн башчысы чет элдиктерге иштөөгө уруксат берүүнү тапшырган. Иштей турган жарандардын тизмесин да берген", — деп айтылат маалыматта.
Башкы прокуратура ушу кезге чейин Кытай жарандарына берилген уруксат жокко чыгарылган эмес, мындан тышкары, квотадан тыш дагы 5 ишкерге уруксат берилген. Бул аракеттердин баары лицензия берүү мыйзамын бузган.
Ушу тапта тергөө иштери улантылып жатат.
Баса, Кыргызстан дал ушул Кытай мамлекетине баарынан көп карыз.