БИШКЕК, 31-мар. — Sputnik. III Дүйнөлүк көчмөндөр оюндарынын алкагында "Кыргыз мамлекеттүүлүгүнүн келип чыгышы: бүгүнкү күндө колдонулган моделдери" аталышындагы жогорку окуу жайлар арасында илимий жыйын өттү. Бул тууралуу уюштуруучулар кабарлашты.
Жыйындын максаты көчмөн элдердин, анын ичинде кыргыз элинин маданий мурастарын өнүктүрүү жана сактоо, баалуулуктарын изилдөөгө багытталды.
Иш-чаранын жүрүшүндө катышуучулар төмөндөгү темалар боюнча илимий-изилдөөлөрү менен тааныштырып, айтып беришти:
— Кыргыз Республикасында заманбап башкаруунун моделдери жана алардын колдонуудагы маселелер;
— Көчмөндөрдүн экологиялык аң-сезими жана заманбап шарттарда айлана-чөйрөнү сактоо;
— Көчмөн элдердин арасында салттуу спорттук оюндар, оюн-зоок жана элдин ден соолугун сактоонун заманбап көйгөйлөрү;
— Борбордук Азиядагы көчмөн элдеринин арасында мамлекетти түзүүнүн жана өнүктүрүүнүн өзгөчөлүктөрү;
— Кыргыз мамлекеттиктүүлүгүндө этномаданияттын негиздери
— Мамлекеттик башкарууну жакшыртуу боюнча кыргыз элинин тарыхый жана маданий кубатын пайдалануудагы көйгөйлөр.
Мыкты доклад ээлери диплом жана баалуу белектер менен сыйланды.
Иш-чараны "ЭкоПолюс"демилгелүү тобу президентке караштуу Мамлекеттик башкаруу академиясы менен биргеликте уюштуруп, ага "III Дүйнөлүк көчмөндөр оюндарынын" уюштуруу катчылыгы көз салды.