Ал мындай пикирин КСДП партиясынын XVII съездинен соң брифингде суроолорго жооп берип жатып билдирди.
Анын айтымында, соттук реформа ошондогу премьер-министр Сооронбай Жээнбековдун суранычы менен 2018-жылдын январь айынан 2019-жылдынбашына жылдырылган.
"Жети кодекстин ишке кирүүсү, сот отурумдарынын интернеттен түз көрсөтүлүүсү ишке кирсе, соттук реформа толук ишке ашмак. Азыр эмнени күттүк деп айтып жатышат. 2018-жылдын январь айынан 2019-жылдын январына ошол кездеги премьер-министр Сооронбай Жээнбеков өзү жылдырган, жетишпейбиз деген себеп менен", — деди Атамбаев.
Ал өзү кызматта турган акыркы беш жылда сот тармагына бөлүнгөн каражат беш эсе көбөйгөнүн кошумчалады.