БИШКЕК, 31-мар. — Sputnik. КСДПнын жабык өткөн курултайындагы сүрөт учурда интернет айдыңында талкууга алынып жатат. Көптөр экс-президент Алмазбек Атамбаевдин жанындагы делегат саясий чөйрөдө таанымал болбогондуктан, анын ким экендигине кызыккандар арбын болууда.
Экс-президенттин сол жагында Жогорку Кеңештин вице-спикери Асел Кодуранова, ал эми оң жагында уюштуруу бөлүмүнүн мүчөсү Гүлназ Өмүрбек кызы, КСДП фракциясынын лидери Иса Өмүркулов, андан ары партиянын мүчөсү Жаныбек Абиров жана депутат Осмонбек Артыкбаев турат.
Экс-президент 2011-жылдын соңуна чейин аталган партияны жетектеп, өлкө башчысы болгондон кийин кызматтан кеткен. Ошондон бери анын орду бош болчу.
КСДП — Кыргызстандагы ири саясий бирикмелердин бири. 1993-жылы 1-октябрда Атамбаевдин демилгеси менен түптөлгөн.
Кыргызстандын социал-демократтар партиясынын өткөргөн съезди жана Алмазбек Атамбаевдин журналисттерге өткөргөн брифинги туурасында Sputnik Кыргызстан агенттигинин тесттик трансляциясынан окуңуз.